كورس صناعة المحتوى والإعلانات بالذكاء الاصطناعي

اللي هتتعلمه بالظبط

كل درس مبني على اللي قبله. مفيش مصطلح هيتقال قبل ما يتشرح.

0100:00

المصطلحات — نتكلم نفس اللغة

كل مصطلح هتقابله: Prompt، Generation، Model، Aspect Ratio، Credits — وأنواع التوليد كلها: Text-to-Image، Image-to-Video، Start & End Frame، Reference Image. بعد الدرس ده مش هتسمع كلمة ومتعرفهاش.

0200:10

Level 1 — الخريطة

الطريق الكامل لعمل أي فيديو AI: تبدأ منين، بتعمل إيه بعد إيه، والقرارات اللي بتاخدها في كل مرحلة. ده اللي بيفرق بين حد بيجرب عشوائي وحد شغال بنظام.

0300:35

Level 2 — الشغل السينمائي

هنا بنطلع مستوى. Seedance وإزاي تعمل بيها لقطات سينمائية، لغة الإخراج جوه ال prompt، والتحكم في شكل اللقطة بدل ما تسيبها للأداة تختار.

0401:05

التطبيق العملي — إعلان كامل من الصفر

أطول وأهم جزء في الكورس. بنعمل مع بعض إعلان كامل لمنتج حقيقي — من الفكرة، للفريمات، للتحريك، للمونتاچ، للتسليم. تشوف كل خطوة بتتعمل قدامك، بما فيها المحاولات اللي بتفشل.

0502:10

Motion Control

تاخد فيديو مرجعي فيه الحركة اللي عايزها، والأداة تنقلها لشخصيتك. ده اللي بيديك تحكم حقيقي في الأداء، بدل ما تستنى الأداة تطلعلك حركة عشوائية.

0602:15

أدوات Higgsfield كاملة

جولة على باقي الأدوات في المنصة — كل أداة بتعمل إيه، بتستخدمها إمتى، وإمتى تسيبها.

TOTAL RUNTIME02:20:00

من فكرة في دماغك لمحتوى جاهز

الفكرة

تبدأ منين، وإزاي تحول فكرة مبهمة لتصور واضح تقدر تنفذه.

التوليد

الأدوات وال prompts والتحكم — لحد ما تطلع اللقطة اللي في دماغك بالظبط.

المحتوى الجاهز

التجميع والتشطيب والتسليم — إعلان أو محتوى سوشيال جاهز للنشر.

إيه اللي يخليك تختار الكورس

نص الكورس تطبيق عملي

أطول درس في الكورس هو التطبيق — إعلان كامل بنبنيه سوا من الفكرة للتسليم. مش شرح نظري وسيبك تدبر نفسك.

نفس طريقة المحتوى الفايرال

الطريقة اللي بعمل بيها المحتوى اللي بيوصل لملايين المشاهدات شهريا — الأفكار، والتنفيذ، وإيه اللي بيخلي فيديو ينتشر فعلا.

ترتيب واضح مش أدوات مبعثرة

كل درس مبني على اللي قبله. مفيش قفزات، ومفيش مصطلح بيتقال قبل ما يتشرح — عشان متحسش في أي لحظة إنك ورا.

من حد بيشتغل في المجال فعلا

ده نفس الشغل اللي بيتسلم لعملاء في مصر والخليج وأمريكا. اللي هتشوفه هو الطريقة الحقيقية، بمشاكلها وحلولها.

بالعربي، ومتحدث باستمرار

شرح بالمصري من غير ترجمة ولا تعقيد. والأدوات بتتغير بسرعة — فأي تحديث جاي بيوصلك مجانا.

الكورس ده ليك لو

→ عايز تدخل مجال ال AI ومش عارف تبدأ منين
→ بتعمل محتوى وعايز تضيف ال AI لشغلك
→ عندك براند وعايز تنتج محتواك بنفسك

→ بتشتغل مونتاچ أو تصميم وعايز توسع خدماتك
→ بتشتغل ماركتينج وعايز تنفذ أفكارك من غير فريق إنتاج
→ جربت الأدوات لوحدك وتهت

أسئلة شائعة

محتاج خبرة قبل الكورس؟

لأ. الكورس بيبدأ من الصفر تماما — من شرح المصطلحات نفسها.

محتاج جهاز قوي؟

لأ. كل التوليد بيحصل على سيرفرات الأدوات مش على جهازك. أي لابتوب يشغل متصفح كفاية.

هحتاج أدفع اشتراكات في الأدوات؟

أيوة، الأدوات ليها اشتراكات منفصلة عن الكورس. جوه الكورس بقولك إيه الأساسي تبدأ بيه، وإيه اللي تستنى عليه، وإيه البدايل الأرخص.

الكورس بالعربي ولا بالإنجليزي؟

الشرح كله بالمصري. ال prompts بالإنجليزي لأن الأدوات بتفهمه أحسن، وبشرح كل مصطلح أول ما يظهر.

الوصول لمدة قد إيه؟

مدى الحياة. وأي تحديثات جاية بتوصلك مجانا.

الكورس مسجل ولا لايف؟

مسجل بالكامل. تتفرج في أي وقت وبأي سرعة، وترجع لأي درس وقت ما تحب.

كورس صناعة المحتوى والإعلانات بالذكاء الاصطناعي — من الصفر للاحتراف

عمر ناصر